Bók mánaðarins

Tilfinningar eru fyrir aumingja
eftir Kamillu Einarsdóttur

Til að bregðast við yfirvofandi miðaldrakrísu, sem kemur ekki síst fram í eilífu tali um dren og skólplagnir, fær Halla vini sína sem öll eiga sér skrautlega fortíð til að stofna með sér metalband. Það þarf að redda mörgu en erfiðastur er alvarlegur skortur á tónlistarhæfileikum.

Samhliða sérkennilegum hljómsveitaræfingum geisa stormar í einkalífi Höllu. Leitin að ástinni í öllum sínum myndum krefst mikilla fórna og veldur stöðugu tilfinningatjóni.

Þessi hressandi, fyndna en um leið átakanlega saga – um fólk sem reynir að finna fótfestu í glerhálu lífinu – var tilnefnd til Íslensku bókmenntaverðlaunanna árið 2021.